Kreu i opozitës Lulzim Basha, i është pëgjigjur kryemijnistrit Edi Rama. Përmes një psotimi në Facebook, Basha thekson se nuk është faji i BE-së për gjendjen e keqe në të ciën ndodhet vendi, por i keqqeverisjes së Edi Ramës.
Sipas tij në 8 vite Rama vetëm mashtroi shqiptarët si dhe i varfëroi. Basha thekson se Rama di vetëm të fajësojë të tjerët dhe nuk mban përgjegjësi për keqqeverisjen e tij që ka varfëruar dhe larguar shqiptarët.
Ja postimi i Bashës:
Shqipëria ka numrin më të lartë të bizneseve të mbyllura në rajon, ka numrin më të lartë të qytetarëve që humbën vendin e punës, ka ndihmën më të vogël ekonomike që një qeveri ka dhënë për qytetarët e saj, ka hajdutërinë më të lartë në Europë ndërsa Tirja në krye të qeverisë si asnjë kryeministër tjetër vazhdon të sulmojë BE-në. Për 8 vjet mashtrime, dështime, vjedhje, varfëri fajin nuk e ka BE-ja, fajin e ka Tirja i qeverisë që i vjedh shqiptarët dhe u mohon edhe bukën e fëmijëve. Edhe një herë Rama fajëson të tjerët tjetër për qeverinë më të keqe në historinë e Shqipërisë.
BE ka qenë dhe është pranë nesh në ditë të mira e të vështira. Mirënjohja e shqiptarëve nuk do të mungojë kurrë. Pas 25 prillit ne do ta rikthejmë Shqipërinë në rrugën e duhur drejt destinacionit tonë të vetëm që është integrimi në BE.
