Qëndrimet e Kryeministrit Edi Rama ndaj BE-së, në lidhje me vaksinat anti-covid, për nënkryetarin e LSI-së, Petrit Vasili, janë një alibi e mirëfilltë për të justifikuar veprimet anti-europiane dhe orientimin e Kreut të Qeverisë drejt realiteteve të tjera që nuk janë europiane e që nuk mbartin për hiçgjë asnjë nga vlerat shumë të rëndësishme të të gjithë Europës.
Sipas Vasilit, Qeveria vaksinon 369 vetë në 6 ditë, pra as 60 vetë në ditë, ndërkohë që sipas tij, këto subjekte kanë qenë të rrezikuara e si të tillë brenda një dite duhet të vaksinohen.
“Edi Rama, mafioziteti qeveritar i të cilit shkel çdo parim dhe marrëveshje evropiane dhe praktikisht nuk kursen as jetën e njerëzve. Sigurisht 25 prilli mbetet sfida më e madhe e çdo shqiptari.
Një sfidë pa kthim, një sfidë që duhet fituar me çdo kusht pasi në 25 prill shqiptarët do të votojnë për të mbrojtur Shqipërinë dhe për të mbrojtur veten”, tha Vasili në një deklaratë për mediat.
Sipas tij, për të konkretizuar veprimet konkrete të tij kemi denoncuar për disa ditë radhazi marrëveshjen e bërë nga Edi Rama me Emiratet e Bashkuara me biznesmenë konkretë dhe projekte konkrete duke shkelur Kushtetutën e duke marrë përsipër ti bëjë këto gjëra pikërisht me qetësinë më të madhe, duke rënë dakord në atë marrëveshje që të gjitha kontratat, projektet, marrëveshjet që bëhen me sipërmarrësit e e Emirateve, nuk do ti nënshtrohen prokurimit publik, tenderit publik, procedurës konkurruese publike dhe asnjë procedure tjetër. Kështu ka vendosur Edi Rama.
“Ndërkohë që Edi Rama vaksinon 369 vetë në 6 ditë, pra as 60 vetë në ditë, ndërkohë që këto subjekte ka qenë të rrezikuara e si të tillë brenda një dite duhet të vaksinohen sepse çdo ditë e shtyrë në funksion të propagandës së Edi Ramës është një rrezik i shtuari tyre. Ata mund të infektohen dhe një ditë më pas edhe dy ditë më pas por Edi Ramës nuk i intereson, mund ti mbajë dhe 10 ditë në dorë këto trastë me vaksina vetë e vetëm që të bëjë show. Dhe fajin e paska Europa.
Po ç’faj ka Europa kur ky nuk pajis me minimumet bazike personelin shëndetësor të cilin gjoja do ta mbrojë me vaksina. Këtu të nderuar qytetarë keni një peticion të bërë jo larg por që i drejtohet Ministrisë së Shëndetësisë nga Bashkia e Vorës. Dhe çfarë kërkon personel mjekësor i cili ka firmosur. Kërkon as më shumë e as më pak qeverisë dhe Edi Ramës që ti pajisë me maska, doreza dhe dezinfektuat. Mbas 11 muaj që pandemia shtrihet dhe bën dëme të jashtëzakonshme, merr jetë njerëzish, invalidizon plot të tjerë, ky që qahet nga Europa, ky që jargavitet, ky që do të demonizojë Europën nuk u jep 20 km larg Tiranës mjetet më të domosdoshme për ti mbrojtur personelin mjekësor duke mos harruar që 31 mjekë kanë humbur jetën.
Pra fajtori i vetëm është Edi Rama, mafioziteti qeveritar i të cilit shkel çdo parim dhe marrëveshje evropiane dhe praktikisht nuk kursen as jetën e njerëzve. Sigurisht 25 prilli mbetet sfida më e madhe e çdo shqiptari. Një sfidë pa kthim, një sfidë që duhet fituar me çdo kusht pasi në 25 prill shqiptarët do të votojnë për të mbrojtur Shqipërinë dhe për të mbrojtur veten”, tha Vasili.
