Napoli ka marrë një fitore tenistike kundër Fiorentina-s në javën e 18-të të kampionatit.
Skuadra e Gattuso-s ka mundur 6-0 në shtëpi ekipin vjollcë dhe është ngjitur përkohësisht në vendin e tretë të renditjes me 34 pikë.
Protagonisti i ndeshjes ka qenë Lorenzo Insigne, autor i dy golave dhe një asisti. Paraqitja e mirë edhe nga Hysaj me shokë në mbrojtje, që kanë arritur të ndalin me sukses Ribery dhe ish-napolitanin Callejon.
Një fitore historike për Napoli-n, që nuk kishte shënuar kurrë gjashtë gola kundër Fiorentina-s.
Napoli është e vetmja skuadër që ka shënuar 4 ose më shumë gola në pjesën e parë në 2 ndeshje në këtë sezon në 5 kampionatet kryesore të Europës.
