Austria ka zgjatur izolimin e saj, i tretë kombëtar, deri në muajin shkurt, duke shpresuar se numri i të infektuarve me Covid-19 do të ulet.
Sipas udhëzimeve, dyqanet, muzetë dhe qendrat e trajtimeve personale do të hapen në datën 8 shkurt, ndërsa sektorët e hotelerisë dhe turizmit do të vijojnë të qëndrojnë të mbyllura të paktën deri në muajin mars.
Gjatë një konference për shtyp, kancelari Sebastian Kurz tha se kemi përpara 2-3 muaj të vështirë.
Ky vendim për zgjatjen e izolimit kombëtar vjen një ditë pasi austriakët mbushën rrugët e Vjenës për të kundërshtuar kufizimet, shkruan Reuters.
Kurz la të mendohet se bllokimi kombëtar mund të zgjatet edhe më shumë nëse shifrat e të infektuarve nuk pësojnë rënie deri në fillim të shkurtit.
