Zgjedhjet presidenciale te klubi i Barcelonës, nuk do të mbahen më 24 janar siç ishte planifikuar fillimisht. Ky lajm vjen pas një takimi midis klubit dhe Planit Territorial të Mbrojtjes Civile të Katalonjës (Procicat).
Gjatë këtij takimi, u përcaktua që zgjedhjet nuk mund të mbaheshin normalisht në datën e planifikuar, me banorët të kufizuar në komunën e tyre. Qeveria katalanase nuk është e gatshme të heqë dorë nga ky kufizim për të lejuar zgjedhjet e Barcelonës.
Duke parë këtë situatë, do të duhet të caktohet një datë e re për zgjedhjet. Sipas RAC1, Barcelona raportohet se i ka kërkuar qeverisë rajonale mbrojtje ligjore për të lejuar votimin postar në zgjedhje kur ato të zhvillohen.
Një takim midis kandidatëve dhe bordit drejtues është caktuar për sot në orën 19:00 nga ku pritet të dalë një datë e re për zgjedhjet.
