Sindikata e punonjësve të Universiteteve të Shqipërisë i kërkon kryeministrit Edi Rama që stafet akademike të përfshihen në grupet që duhet të vaksinohen me përparësi.
Kërkesa është parashtruar në një kohë që prej 3 ditësh ka nisur me ritme të ulëta procesi i vaksinimit të mjekëve që ndodhen në atë që quhet si “vija e parë e zjarrit”, ndërsa sipas deklaratave publike më pas do të jenë moshat mbi 75 vjeç dhe punonjësit e policisë.
Sindika në kërkesën e saj argumenton se vaksinimi i shpejtë i stafeve akademike do të bëjë të mundur kthimin sa më shpejt që të jetë e mundur të mësimdhënies në auditore.
“Stafi akademik dhe ndihmës akademik është shumë i ekspozuar nga virusit për shkak të mësimdhënies për orë të gjata në auditore me shumë studentë të pranishëm”, thuhet në kërkesë.
