Ish-Kryeministri italian Silvio Berlusconi është shtruar me urgjencë në një spital të Monte Carlos për shkak të problemeve me zemrën.
Lajmi u dha për Agjensisë Italiane të Lajmeve ANSA nga mjeku i tij personal.
Alberto Zangrillon i tha ANSA-s se ai e kishte vizituar Berlusconi-n të hënën dhe kishte sugjeruar që ai të shtrohej menjëherë në një spital aty pranë pasi nuk mendonte se do të kishte qenë një lëvizje e mençur dërgimi i tij në Itali.
Manjati i medias, 84-vjeç, iu nënshtrua një operacioni të vështirë në zemër në vitin 2016. Ai i ka mbijetuar gjithashtu kancerit të prostatës.
Shtatorin e kaluar Berlusconi u shtrua në spital pas infektimit me koronavirus. Pas daljes nga spitali ai u tha gazetarëve se virusi kishte paraqitur “sfidën më të rrezikshme” të jetës së tij.
Berlusconi vazhdon të drejtojë partinë opozitare “Forza Italia”. Problemet e tij me shëndetin vijnë në një kohë kur Italia është goditur nga kaos politik. Një parti e koalicionit është larguar nga qeveria, duke e privuar atë nga një shumicë parlamentare.
Gazetat kanë spekuluar se disa ligjvënës të “Forza Italia” mund të bien dakord për ta ndihmuar administratën duke parandaluar zgjedhjet e parakohshme.
