Një nga grabitësit që dhunoi kambistin në Korçë, Agim Çaçi, është lënë në burg nga gjykata e shkallës së parë. Çaçi u arrestua dy ditë më parë, ndërsa seanca në fjalë u zhvillua me dyer të mbyllura.
Prokuroria ka kërkuar masën “arrest me burg”, masë e cila u pranua nga gjykata e Korçës.
Ngjarja ka ndodhur në lagjen nr 1 , në rrugën e “Bilbilave” në qytetin e Korçës, ndërsa 10 milion është shuma që dyshohet se autorët ka vjedhur.Veç Çaçit, janë në kërkim dhe dy grabitësit e tjerë të cilët mendohet se janë nga Fieri.
Mësohet se ky grup dyshohet se ka kryer edhe vjedhje të tjera siç është edhe grabitja e kambistit Erjon Rrënja disa jave më pare në Korçë.
