“Shqiptarët në krizë ekonomike dhe dimrin në çadra, ministrat e Edi Ramës, darka e dreka luksi si në Venezuelën e Maduros”, shkruan kreu demokrat Lulzim Basha në një postim në rrjetet sociale, ndërsa ka postuar edhe një video.
Sipas kreut demokrat, ndërkohë që shqiptarët janë pa asnjë ndihmë përballë krizës ekonomike dhe shëndetësore, vendi është nën ujë, mijëra familje po kalojnë dimrin e dytë në çadra, ministrat e Ramës shtrohen për shtatë palë qejfe në restorantin më të shtrenjtë në Dubai.
“Është koha të kemi një qeveri që kujdeset për njerëzit, dhe jo këtë që e ka mendjen vetëm për veten e saj”, shprehet Basha.
