Nga Basir Çollaku
Nuk tregon se nga kanë ardhur vaksinat, se atij shtetit do i binë në qafë të tjerët…dhe meqë kemi KM këtë qoftlarg që kemi, qenkemi me fat, ndaj dhanë atë çantë dore me shishe..
Cili shtet merr leje, e na vihet në siklet për një çantë dore?!
Kaq rëndë e kaq pandeh njerëzinë, ky i nusretosur?
Kaq pa rëndësi janë jetët njerëzore në këtë vend, sa nuk guxon asnjë Prokuror i pervetçëm dhe pergjithshëm, të kërkojë hesap ligjërisht për këto veprime kanibale të kryera publikisht.
Kjo maskardë mediatike, bëhet për të mbuluar dallaveren e pazarit të Nusreti në Dubai me mbi 2 miliard euro.
Mediet kombëtare dhe çkombëtare e kanë mprehur kameran te vaksina, sepse dhe ata kanë hise në dallaveret e Ramës..
Puna është të masakrojmë korrupsionin e sanitares Tire në QSUT. Ajo sigurisht duhet ndëshkuar ligjerisht, bashkë me ata xhepistet me bluza që e kanë përdorur si bankomat ditor, në kurriz të jetës së pacientëve.
Ndërsa drejtuesit e kësaj qendre spitalore veprues si eunukë me shkarkime mjekësh e manipulime shifrash, e të tjera kusuresh tenderash e parash të katranosura, mos i prekni.
Gjithashtu kryemeraku është te miliardat me destinacion shpërndares qeverinë dhe Samirin, këto nuk duhen përmendur. Në këto tre muaj para zgjedhjeve, po i vënë flakën çdo pasurie publike. Porte, aeroporte 3D, tendera pa fund, koncensione të reja, e rifreskime të vejtra. Babëzia e shfrenuar nuk ndalon para asgjëje. Kryebashkiaku i Tiranës është një tjeter shpërdorues i frikshëm pasurish e pronash publike, njeriu kullë, pavarësisht cilët banditë janë bërë investitorë rreth tij. Ramës. pra, KryeTires së qeverisë mbushur me rire, ipret shpata në ujë e në tokë, në buxhet, e në borxhe. Gjezdis pazareve në Ankara dhe Athinë. Mbron të drejtën greke për 12 milje zgjerim në det. Ju kujtoni se Tirja ka vjedhur me këtë marifet mashtrues më shumë se tire Beqja në Ministrinë e Shëndetësisë? Me atë dosje me plot përgjime të cilën se kush e qepi te Krimet e Rënda dhe u shperblye rrugës në karrierë? Dëmi i saj qenka më i madh se tenderat në kohën e Pandemisë në këtë institucion drejtuar nga Manasterliu?!
Eshtë bërë dëm dhe nuk trazohet Tirja e rindërtimit, ministri Ahmetaj, të cilin mund ta merrje të pandehur vite me herët së paku kur te financat fshihte e manipulonte të dhënat për borxhin dhe buxhetin.
Mendoni se Tirja e energjisë Terrmet Gjiknuri, ka bërë më pak dëm dhe mbetet krejt i patrazuar nga prokuroria dhe media, për tenderin e unazës së re dhe tërmetin elektoral në Dibër?
Thua tire Balluku, nuk ka mundur të sistemojë të tjera punë zullumqare në investimet me dedikim në infrastrukturë? Gjikuria një firmë e pandehur sipas vendinit të formës së prerë të një Gjykate, vazhdon të palosë tendera sipas qejfit, paçka se drejtësia thotë ndryshe.
Nuk është vjedhje më e pakët se e tire Xhaçkës, e cila merrte helikopter për fushatë në Dibër..
Apo e tire Denajt kur firmos edhe punë të pambaruara nga investitorët strategjikë pranë PS.
E duhet të bëjë zhurmë media sipas porosisë së ertv, sepse janë 160 milionë euro për të dhënë kokërr me kokërr Becchetti dhe kompanisë Actor, sepse kishin teka deliri tire Rama, tire Ahmetaj dhe tire Veliaj.
Sepse nuk duhet folur për 80 përqind të qeveritarëve ministra, perfshirë dhe Ramen, sipas investigimit të Birn, se nuk justifikojnë pasurinë, së paku ne nje vit te deklarimit të bërë.
Nuk janë më pak se kjo tirja e spitalit dhe diplomatët të cilët rrotullojnë gjuhen sipas shpërblesave
Puna është se Tiren e kapën me presh në duar, ndërsa këta KM e qeveritarë, të cilët gjithë ditën janë miliona herë tire në zyrat publike, këta nuk duhen shqetësuar..
Fatkeqësisht, ne jemi një shtet tiresh dhe për këtë fajësia nuk është krejt jetime..
