Partia Demokratike akuzon Qeverinë Rama se përgjatë 8 viteve nuk kanë investuar asnjë qindarkë në Shkodër, për parandalimin e përmbytjeve.
Drejtuesi Politik për Qarkun e Shkodrës nga PD, Helidon Bushati, tha se përmbytjet në Shkodër treguan mungesën e investimeve të qeverisë ne zonat bujqësore, ku mungon infrastruktura kulluese.
“Kjo qeveri nuk do t’ia dijë për ju. S’ka bërë asgjë në 8 vjet. Ekonomia shkatërrohet, papunësia rritet, varfëria ulur këmbëkryq, ata në qeveri trefishojnë pasuritë. Kjo është një qeveri që punon për vete. Prandaj, duhet të themi mjaft. Duhet ndryshimi, se nuk vazhdohet me një qeveri që mendon vetëm për vete”, tha Helidon Bushati, gjatë takimit me banorë të zonës së Dajçit.
Duke mbëshetur banorët, Kryetarja e Bashkisë së Shkodrës vuri në dukje mungesën e fondeve nga qeveria në lidhje me kullimin.
“Vetëm me investimet e Bashkisë, kemi bërë të mundur në të gjithë tërritorin e bashksië, pastrimin në masën 78% të kanaleve të dyta dhe të treta që janë në kopetencën tonë. Imagjinoni çfarë ndryshimi i madh do të ishte për banorët në fshat, nëse qeveria do ta kishte politikë të vetën financimin për kullimin”, u shpreh kryetarja e Bashkisë së Shkodrës.
Helidon Bushati i garantoi banorët se ky ndryshim do të bëhet pas zgjedhjeve, me drejtimin e qeverisë nga Kryeministri Lulzim Basha, i cili ka në plan të investojë çdo vit rreth 50 milionë euro vetëm në infrastrukturën për bujqësinë.
