Moderatori Isli Islami zbuloi pak ditë më parë se ishte infektuar me Covid-19, e për këtë arsye nuk është shfaqur duke prezantuar “Wake Up” me kolegen, Ori Nebijaj.
Gjatë një lidhje live nga shtëpia e tij, Isli zbuloi në emisionin e tij se edhe nëna e tij ishte prekur nga koronavirusi. Gjithashtu ai tregoi se simptomat e para të koronavirusit ishin humbja e shijes dhe mungesa e fuqisë, aq sa nuk mund të lëvizte nga njëra dhomë e shtëpisë në tjetrën
Gjatë kësaj bisede, Isli i kërkoi Orit që t’i bënte një byrek me spinaq dhe t’ia çonte në shtëpi. Moderatorja premtoi publikisht se do ja realizonte dëshirën, edhe pse nuk do e bënte vetë byrekun, por me ndihmën e të ëmës.
Mesa duket ajo e ka mbajtur fjalën dhe mbrëmjen e djeshme i ka dërguar Islit në shtëpi byrekun me spinaq. Moderatori e ka ndarë menjëherë me ndjekësit e tij byrekun në “Instastory” dhe ka treguar se çdo premtim që jepet në “Wake Up” mbahet.
“Nuk e di si janë mësuar të tjerët por çfarë premtohet në ‘Wake Up’ mbahet! Të lumshin duart teta Shpresa”, ka shkruar Isli përkrah videos.
