Elbasan/ I vendos flakën shtëpisë së tij dhe të fqinjit, disa të plagosur

Një ngjarje e rëndë ka ndodhur këtë pasdite në Elbasan. Raportohet se pas një sherri në familje, djali i ka vendosur zjarrin shtëpisë.

Nga flakët kanë mbetur të asfiksuar dhe me plagë disa nga familjarët, të cilët janë transportuar drejt spitalit të Elbasanit.

Por nuk është mjaftuar me kaq, pasi me shishen e benzinës që kishte në dorë, i riu rreth 25-vjeç i ka vënë zjarrin edhe shtëpisë së fqinjit, ku një grua ka mbetur e lënduar nga flakët në disa pjesë të trupit.

LEXO EDHE  Basha: Pas 25 Prillit Shqipëria do të ketë për herë të parë një kryeminsitër të shkolluar në perëndim, kandidatët e PD të pakonkurrueshëm

Pas sinjalizimit, policia ka ndërhyrë duke shoqëruar djalin e shtëpisë në komisariat, ndërsa familjarët e tij ndodhen në spital.