Kreu demokrat, Lulzim Basha, ka reaguar sërisht lidhur me darkën e të shtunës në restorantin luksoz Nusr-et në Dubai, ku të pranishëm ishin ministrat Arben Ahmetaj, Belinda Balluku, nënkryebashkiaku Arbjon Mazniku, këshilltari i Edi Ramës, Endri Fuga, si dhe biznesmeni Samir Mane.
Në një prononcim për mediat, Basha tha se ndërsa Shqipëria është e përmbytur, ministrat e Ramës darkonim në Dubai. Sipas tij, kjo tregon se Qeveria Rama nuk ka turp, por me sa duket para ka.
“Ministrat e qeverisë trefishuan pasurinë. Shqipëria është në krizë, por qeveritarët darkojnë 1000 dollarë bifteku”, tha Basha.
Në vijim ai tha se Qeveria Rama mendon vetëm për vete, vetëm për paratë e veta. Basha ripëërsëriti thirrjen se është koha që kjo qeveri të ikë dhe se vendit i duhet një qeveri që mendon për qytetarët.
“Është koha për një qeveri që punon për paratë e shqiptarëve. Këtë ndryshim do ta sjellim ne”, tha Basha.
