Denoncimi shtyn vendimin për gjyqtaren e Apelit të Tiranës

Komisioni i Pavarur i Kualifikimit shtyu vendimin për gjyqtaren e Apelit Tiranë, Elbana Lluri.

Trupa gjykuese e përbërë nga Valbona Sanxhaktari kryesuese, Xhensila Pine relatore dhe Roland Ilia anëtar, argumentoi se do të verifikohet edhe një denoncim publik për subjekti e rivlerësimit.

Gjyqtarja e Apelit të Tiranës, Elbana Lluri u përball të enjten më 7 janar me gjetjet e Komisionit të Pavarur të Kualifikimit për të tri kriteret e rivlerësimit. Komisioni i Pavarur i Kualifikimit evidentoi pamundësi financiare për blerjen e dy automjeteve, por gjyqtarja e Apelit të Tiranës e kundërshtoi analizën financiare. Ajo e vlerësua pozitivisht për figurën dhe profesionalizmin.

LEXO EDHE  Veliaj padit Dumën në SPAK/ Reagon PD: As Rama, as buratini i tij, askush nuk do të na e mbyllë gojën

Elbana Lluri përfundoi studimet në Shkollën e Magjistraturës në vitin 2005 dhe u emërua gjyqtare në Gjykatën e Tiranës. Prej vitit 2016, Lluri e ushtron funksionin në Gjykatën e Apelit të Tiranës. Paralelisht me punën si gjyqtare, Elbana Lluri është angazhuar për disa vite si pedagoge në njëe universitetit privat në Tiranë.