Cristiano Ronaldo e ka golin në gjak dhe vazhdon të vendosë e barazojë rekorde të ndryshme. Ylli portugez shënoi në shtesa golin e tretë të Juventusit në fitoren 3-1 të mbrëmjes së kaluar ndaj Sassuolos.
35-vjeçari finalizoi një kundërsulm të bardhezinjve, duke kryesuar renditjen e golashënuesve më të mirë të Serie A me 15 gola. Ky ishte goli i 759 zyrtar në karrierë për 35-vjeçarin luzitan, i cili barazon rekordin e Josep Bican, legjendës së futbollit çek.
Jo vetëm kaq, pasi sulmuesi i Juventusit ka vendosur një tjetër rekord. Ai është i vetmi futbollist që ka realizuar të paktën 15 gola në 15 sezonet e fundit në pesë kampionatet më të forta të Evropës.
