Prej më shumë se 72 orësh në zona të ndryshme të vendit, situata paraqitet draatike, përsa i takon përmbytjeve të shkaktuara nga moti i keq. Disa mijëra hektarë tokë janë nën pushtetin e ujit, ndërsa shumë prej banesave në zonat rurale janë të rrethuara me “liqene” dhe i ngjajnë ishujve.
Video e mëposhtme paraqet situatën e rënduar në fshatrat Murqinë, Mallkuc dhe Bilaj në Fushë Krujë.
Situata më problematike paraqitet në fshatin Murqine ku niveli i ujit vijon të jetë i lartë.
Janë mbi 20 banesa në këtë fshat të rrethuara nga uji, fatmirësisht nuk ka patur ngritje të nivelit të ujit pasi ditën e djeshme reshjet pushuan, por gjatë natës kanë rifilluar sërish duke bllokuar largimin e ujit..
E njëjta situatë paraqitet dhe në fshatrat fushore të Ishmit si Ggjurice, Fushkapedanë, Fushkertushaj etj ku sipërfaqe prej dhjetra hektarë tokë bujqësore janë nën ujë prej 72 orësh.
