Ish-ministri i Drejtësisë, Ylli Manjani, përmes një postimi në rrjetet sociale, e krahason Kryeministrin Edi Rama me Duçen dhe me Fidel Kastron.
Manjani shkruan se Shqipëria që deshëm u bë, sheshe të mëdha që ai të kapardiset si Duçja, dhe flasë gjatë, shumë gjatë para turmave si Fidel Kastro.
“E gjelbëruam me hashash, vende e vende e zbardhëm me kokainë, si kurrë më parë.
Me paret e “gjelbërimit” bëmë kulla të larta dhe kemi akoma për të bërë.
Po me të njëjtat para, po administrohet e shfrytëzohet pasuria e shërbimet publike, nga ku nxirren para të tjera jo vetëm të sigurta, por tashmë të pastra.
Publiku vetëm paguan. Paguan shërbimet e shtrenjta por edhe borxhin publik më të lartin që kemi patur ndonjëherë”, shkruan Manjani.
Postimi nga Ylli Manjani
Shqipëria që deshëm u bë.
Sheshe të mëdha që të kapardiset Ai si Duçja dhe flasë gjatë, shumë gjatë para turmave si Fidel Kastro.
E gjelbëruam me hashash, vende e vende e zbardhëm me kokainë, si kurrë më parë.
Me paret e “gjelbërimit” bëmë kulla të larta dhe kemi akoma për të bërë.
Po me të njëjtat para, po administrohet e shfrytëzohet pasuria e shërbimet publike, nga ku nxirren para të tjera jo vetëm të sigurta, por tashmë të pastra.
Publiku vetëm paguan. Paguan shërbimet e shtrenjta por edhe borxhin publik më të lartin që kemi patur ndonjëherë.
Publiku paguan edhe për dajakun policor që i bie në kurriz, ndaj kujtdo që kundërshton apo qoftë edhe qesh me shakatë e kripura të Duçes.
Kaq e kemi arritur tashmë.
Kemi edhe një sfidë. Të shpallim mbret absolut Duçe-Fidel Kastron dhe të mos bëjmë më as zgjedhje…
Me pak punë e përpjekje arrihet edhe kjo…
