Një lajm i trishtë vjen nga Shkodra. Mark Laloshi, konsulent ligjor pranë bashkisë së Shkodrës dhe ish-anëtar i bordit drejtues të klubit të Vllaznisë është ndarë nga jeta në moshën 58-vjeçare.
Lajmin e ka konfirmuar vetë kryebashkiakja e Shkodrës, Voltana Ademi, e cila në profilin e saj në “Facebook” shkruan: “Ndarja nga jeta e qytetarit të mirë, prindit të përkushtuar e profesionistit Mark Laloshi, është një lajm i trishtueshëm për të gjithë.
Për ne që punuam me të, që e njohëm nga afër, e vlerësuam për punën e tij, është trishtim edhe më i madh. I shpreh ngushëllimet vajzave, familjarëve dhe të afërmve për këtë humbje”.
Laloshi vuante nga një sëmundje, të cilën nuk arriti ta kalojë me sukses dhe ditën e sotme i mori jetën.
