Kryetarja e LSI-së, Monika Kryemadhi, iu drejtua me një apel qytetarëve, për të marrë pjesë masivisht në zgjedhjet e 25 prillit.
Gjatë takimit në njësinë nr 3 në Tiranë, Kryemadhi tha se qytetarët duhet të përfshihen masivisht në zgjedhje, të jenë pjesë e angazhimit, të pajisen me kartën e identitetit, verifikimet në lista.
“Sigurisht që edhe votuesit për herë të parë që për ne kanë qenë dhe janë gjithmonë pjesa kryesore e rritjes së votës.
Dje unë pata një konsultim me djemtë dhe vajzat e LRI-së, që kanë një eficiencë shumë të madhe me votuesit për herë të parë, të përfshirë edhe ato në gjithë sensibilizimin drejt 25 prillit, që është shumë e rëndësishme.
Kështu që, unë jam e bindur që 3-4 fishimi i Njësisë 3 do të jetë i jashtëzakonshme, sepse ajo ndihet që nga fakti që që në 7 të mëngjesit ne jemi bërë këtu më shumë se ç ‘duhet, por që jemi ndarë në grupe-grupe për shkak të rregullave anti-covid”, tha ajo.
