Kantautori i mirënjohur shqiptar, Kujtim Prodani nuk mundi të fitonte dot betejën me Covid-19 dhe u shua dy ditë më pare në moshën 57-vjeçare.
Këngëtarja, Eneda Tarifa ka treguar në “Shqipëria Live” se Prodani po punonte kohët e fundit me një koncert recital që donte ta realizonte në nder të nënës së tij, Anita Take.
Eneida u shpreh se ky duhet të jetë edhe pengu më i madh i artistit të ndjerë. Tarifa tha se tashmë është detyrë e kolegëve të Prodanit që ta çojnë deri në fund misionin që ai la përgjysmë dhe në këtë koncert recital të kujtojnë edhe figurën e tij.
“Ne ishim në bisedime për të bërë recitalin e Anitës dhe unë kisha për të kënduar një këngë që e kam kënduar gjithmonë të Agim Prodanit. Shkoi me një peng, por mendoj se është momenti që të mblidhemi ne e të bëjmë një memorial për Kujtimin dhe Anitën. Ikën shumë shpejt dhe goxha afër njër-tjetrit. Kujtimi u kujdes shumë për të ëmën dhe e kishte pikë në zemër”, tha këngëtarja e njohur.
