Gazetari i njohur amerikan, Fred Abrahams, i cilëson raportet e Edi Ramës me presidentin turk, Rexhep Tayyp Erogan, si një fyerje për gjithë të burgosurit politikë të pushtetit në Turqi.
Në një postim në Twitter, Abrahams ngre pyetjen nëse pas këtij takimi do të ketë ekstradime të paligjshme të gylenistëve nga Shqipëria drejt Turqisë.
“Marrëdhëniet vëllazërore me Erdogan ofendojnë aktivistët, politikanët, gazetarët dhe të tjerët të burgosur gabimisht në Turqi. A do të ekstradohet Selami Şimşek në mënyrë të paligjshme nga Tirana së shpejti?”,- shkruan Fred Abrahams.
Fred Abrahams është studiues, publicist, ekspert i të drejtave të njeriut dhe konsulent pranë Human Right Watch në Berlin. Ai është njohës i mirë i zhvillimeve politike në Shqipëri dhe në Ballkan dhe pak vite më parë botoi një libër për historinë e pas viteve’90 të Shqipërisë.
#Albania PM @ediramaal's brotherly relations with Erdogan offends the activists, politicians, journalists and others wrongly imprisoned in #Turkey. Will Selami Şimşek be illegally extradited from Tirana soon? https://t.co/kaKOCol8IR https://t.co/W6pMKnZU5C
— Fred Abrahams (@fredabrahams) January 7, 2021
