Tirana kishte menduar që të bënte merkato të fuqishme, por tani si fillim duhet të sqarojë çështjen “Cise”.
FIFA i bllokoi merkaton e janarit kampionëve të Superligës para pak ditësh për shkak të një borxhi 200 mijë euro ndaj 27-vjeçarit Cise. Për të bërë të mundur zhbllokimin sa më të shpejtë të merkatos, klubi bardheblu do të paguajë me këste detyrimin për sulmuesin afrikan.
Bardheblutë do të shpenzojnë nga paratë e UEFA-s dhe Europës, të cilat i fituan këtë verë me meritë.
Në këtë situatë i bie që Tirana të tregohet më vigjilente në merkato dhe të marrin futbollistë me kosto jo shumë të larta.
