Iris Jones, e njohur si gjyshja që u martua me një egjiptian 45 vjet më të ri se vetja, u përlot teksa tregoi se po lufton për ti marrë bashkëshortit një vizë për t’u bashkuar me të në Mbretërinë e Bashkuar.
81-vjeçarja tha se nuk ka kohë për të humbur dhe nuk ka asnjë ide se kur partneri i saj 36-vjeçar, Mohamed Ahmed Ibriham, do të ishte në gjendje të bashkohej me të në shtëpinë e saj në Somerset.
Jones ka bërë tre vizita në Egjipt, por tashmë nuk mund të shkojë përsëri atje nga kufizimet e koronavirusit.
Ajo e ka nxitur partnerin e saj që të kërkojë nga firma e tij ligjore që të shpejtojë procesin para se të jetë tepër vonë.
“Kam ditë kur jam mirë dhe ditë të tjera kur vetëm qaj gjatë gjithë kohës. Jam ndarë nga dikush që e dua, është kaq e vështirë. Nuk kam kohë në anën time, avokatët e ti e dinë këtë”, shprehet ajo.
Çifti u njoh në Facebook në një grup ku diskutonin mbi ateizmin. Më vonë, ata u martuan në një ceremoni të vogël në qytetin egjiptian të Kajros.
Vitin e kaluar, Iris tregoi se ka takuar nënën e Mohamed, e cila është më e re se ajo dhe ka marrë prej saj bekimin për lidhjen e tyre.
Nga ana tjetër, djemtë e saj Steve, 54 vjeç dhe Darren, 53 vjeç kanë shprehur shqetësime në lidhje me marrëdhënien e së ëmës, edhe pse ajo këmbëngul se Mohamed nuk e do për paratë apo pasaportën britanike, dhe se dashuria e tyre për njëri-tjetrin është e vërtetë.
