Nënkryetari i PD-së, Edi Paloka, ka reaguar përmes rrjeteve sociale, lidhur me bashkimin e ish-ministrit dhe ish-deputetit të LSI-së, Nasip Naço, me Partinë Socialiste. Naço u shfaq sot në krah të Blendi Klosit, në qarkun e Beratit, atje ku pritet të kandidojë si i 5-ti në listën e socialistëve për deputet.
Pak pas lajmit në rrjetet sociale qarkulloi një video e Kryeministrit Edi Rama dhe deputetit Lefter Koka, ku ftonin Naçon, ti bashkohej PS-së. Rama përmes batutave i drejtohej Naços që të bashkohej me ta, pasi ishte në listën e armiqve.
Lidhur me këtë ka reaguar Paloka, i cili shkruan se Rama me këta që ble, i shfrytëzon e abuzon deri në poshtërim publik.
“E kam thënë më se një herë që Edvini një gjë e ka “të mirë” me këta që ble, se i shfrytëzon e abuzon me ta deri në poshtrim publik. E ka bërë dhe me ambasadorë, imagjino me këta që vetëshiten për pak gjë…!”, shkruan Paloka.
