Me hapjen e merkatos së transferimeve, Tirana po përgatitej për transferime të bujshme për ta rikthyer klubin sërish mes pretendenteve për titull.
Por një zhvillim i fundit i ka befasuar të gjithë në kampin bardheblu. Bardhebluve i është bllokuar merkato nga FIFA. Vendimi ka ardhur për shkak të një detyrimi të papaguar ndaj ish-futbollistit afrikan të Tiranës, Moktar Cise.
Klubi ka humbur gjyqin prej 200 mijë eurosh me futbollistin. Për këtë arsye kampionët e Shqipërisë nuk mund të regjistrojnë dot lojtarë.
Merkato e bardhebluve është bllokuar dhe drejtuesit duhet të paguajnë borxhin ndaj lojtarit dhe më pas të presin vendimin për zhbllokimin e merkatos.
