Shpërthimi i një bombole gazi mesditën e sotme tronditi Ferizajn në Kosovë, pasi la të paktën 42 persona të plagosur.
Të gjithë personat që ishin në restorant përfunduan në spital me plagë të shumta. Mediat në Kosovë kanë publikuar pamjet e asaj që la pas shpërthimi i fuqishëm i bombolës së gazit.
Restoranti i shkatërruar, të plagosurit të shtrirë, ambulanca që shkojnë e vijnë dhe kaos.
Kjo është panorama pas shpërthimit. Nga 42 të plagosurit, 14 janë në gjendje më të rëndë për jetën.
