Kingsley Coman është një nga lojtarët më të fortë të Bayern Munich. Sulmuesi anësor ka lënë pas krahëve problemet muskulore në kofshë dhe është rikthyer në dispozicion të trajnerit Flick.
Manchester United dhe Manchester City janë të interesuara për shërbimet e tij. 24-vjeçari francez ka folur rreth kësaj teme në deklaratën e dhënë për Sport Bild, duke qetësuar tifozët bavarezë.
“Të dish që klubet më të mira të duan ty i jep një shtysë edhe më të madhe vetëbesimit tim. Gjithsesi, unë kam një kontratë deri në 2023 me Bayernin dhe ndihem i lumtur këtu ku jam“, thekson Coman.
