Derbi i kryeqytetit mes Partizanit dhe Tiranës do të luhet në “Elbasan Arena”. Ndryshe nga derbi i parë që u luajt në kryeqytet në “Air Albania”, sfida e dytë derbi do të luhet në Elbasan.
Kjo pasi stadiumi “Air Albania” është kthyer në qendër vaksinimi për COVID-19 e si pasojë, sfida është zhvendosur. Kryeministri Edi Rama ishte i pranishëm dje në stadiumin e kryeqytetit së bashku me ministren Manastirliu, ku inspektuan qendrën e ngritur posaçërisht për vaksinimin e pacientëve.
Takimi mes Partizanit dhe Tiranës, pritet të luhet me datë 21 janar, në orën 18:00. Ndeshja e parë derbi mes Partizanit dhe Tiranës u mbyll me shifrat 0-0.
