Mediat italiane vijojnë të raportojnë detaje mbi krimin makabër të ndodhur në Itali, ku një çift shqiptarësh, Shpëtim dhe Teuta Pasho, pasi u masakruan, u ndanë në copa dhe u paketuan në valixhe, qe u gjetën disa vjet pas krimit.
Hetimet e autoriteteve italiane janë shtrirë edhe për mënyrën se si është bërë paketimi i trupave të pajetë, që u gjetën të ndarë në 4 valixhe.
Policia arrestoi shtetasen Elona Kalesha, ish-partnerja e djalit të viktimave.
Në kuadrin e hetimeve që po zhvillohen, karabinierët kanë bërë një “vizitë” blic në një kompani në një qendër industriale në Empoli. Sikundër raportohet policia po heton mbi materialin e përdorur për “paketimin” e çiftit shqiptar në valixhe.
Autoritetet italiane po hetojnë më tej për të zbuluar enigmën dhe bashkëpunëtorët e 36-vjeçares shqiptare, e cila e copëtoi çiftin në ditët e para të nëntorit 2015.
