Ndryshimet në Qeveri, të njoftuara nga Kryeministri Edi Rama në orët e fundit të 2020, duket se kanë detyruar deputetët të mblidhen me urgjencë për të miratuar dekretimin e dy ministrave të rinj.
Olta Xhaçka dhe Niko Peleshi u emëruan nga Rama në postet e ministrit të Jashtëm, i cili më parë mbahej nga vetë Kryeministri, dhe në postin e ministrit të Mbrojtjes.
Kuvendi do të mblidhet të hënën në orën 17:00, me kërkesë të Kryeministrit. Kuvendi i nis punimet me sesionin e ri parlamentar më 18 janar, por emërimi i ministrave të rinj do të kalojë në një seancë të jashtëzakonshme.
Më herët, në javën e dytë të Dhjetorit, Edi Rama u detyrua të emërojë Bledi Çuçin si ministër të Brendshëm, pas dorëheqjes së Sandër Lleshajt, dhe Milva Ekonomin si ministre të Bujqësisë.
