Ministria e Shëndetësisë raportoi sot të dhënat mbi pandeminë e Covid-19 në vend, ndërsa në 48 orët e para të 2021 kanë humbur jetën 9 qytetarë.
Referuar të dhënave zyrtare, 5 qytetarë kanë humbur jetën në datën 1 janar, dhe 4 të tjerë ditën e sotme.
Kështu referuar të dhënave për ditën e djeshme, kanë humbur jetën 2 qytetarë nga Fieri, 1 qytetar nga Tirana, 1 qytetar nga Kavaja, 1 qytetar nga Mati, të moshave 65-83 vjeç.
Ndërkohë ditën e sotme kanë humbur jetën 4 qytetarë: 1 nga Tirana, 1 qytetar nga Durrësi, 1 qytetar nga Fier dhe 1 qytetar nga Mati, të moshave 63-80 vjeç.
Në 4 spitalet Covid po trajtohen 286 pacientë, 21 në terapi intensive nga të cilët 3 pacientë janë të intubuar.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes nëpërmjet linjës së gjelbër 0800 40 40. Gjithashtu në numri unik 127 i Urgjencës Kombëtare, ku mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.
