Ndërsa në Greqi, mediat i bëjnë jehonë deklaratave të Kryeministrit Edi Rama, sipas të cilit vendi fqinj ka të drejtë të kërkojë zgjerimin e kufirit detar me 12 milje, kur është i mundur, në Turqi, mediat e konsiderojnë si provokim lufte dekretin e autoriteteve greke.
“Vendim skandaloz nga Greqia: Ajo shtrin ujërat territoriale në 12 miljenë Detin Jon” është titulli i një postimi nga Yeni κafak, ndërsa Aydinlik shkruan “vendimi për 12 miljet detare është një skandal”.
“Greqia rrit ujërat e saj territoriale në 12 milje në Detin Jon” është titulli i shkrimit të Milliet.
Shkrimet i referohen gjithashtu pozicionit zyrtar të shprehur nga Kryeministri Kyriakos Mitsotakis, sipas të cilit Greqia “do të përdorë të drejtën e saj për të shtrirë ujërat territoriale në zona të tjera detare në të ardhmen“.
Ky koment nga Kryeministri grek, sipas mediave turke, është një referencë e qartë për zonat e diskutueshme nga Turqia, duke paralajmëruar Greqinë për luftë nëse vazhdon të zgjerojë ujërat e saj territoriale.
Greqia njoftoi zyrtarisht se do të zbatonte dekretin për tu zgjeruar me 12 milje në detin Jon.
Dekreti ka shkaktuar një seri reagimesh në Tiranë, qoftë nga Presidenti ashtu edhe nga opozita. Kryeministri Edi Rama është akuzuar si tradhëtar, ndërsa i është kërkuar të bëjë transparente çdo veprim ose mosveprim.
Në anën tjetër, Rama i konsideron deklaratat si dokrra, dhe si një mënyrë për të nisur sherrin politik në prag të zgjedhjeve.
