Greqia ka marrë mëngjesin e kësaj të marte 83,850 doza të tjera të vaksinës anti-Covid nga kompania farmaceutike Pfizer / BioNTech.
Grupi i dytë i dozave mbërriti në Aeroportin Ndërkombëtar të Athinës, ku i pranishëm ishte dhe zv.Ministri i Mbrojtjes Civile, Nikos Hardalias.
Sipas planit të qeverisë për shpërndarjen e vaksinave, dozat do të shpërndahen në pesë pikat qendrore të magazinimit dhe nga atje do të dërgohen në qendrat e ndryshme të vaksinimit në të gjithë vendin, shkruan Ekathimerini.
Ministria e Shëndetësisë ka bërë me dije se Greqia do të marrë 419,250 doza të vaksinës Pfizer deri në fund të janarit të vitit 2021 dhe 333,450 doza të tjera në muajin shkurt. Deri në fund të marsit, vendi do të ketë marrë gjithsej 1,255,800 milionë doza.
Autoritetet greke gjithashtu presin 500,000 doza të vaksinës anti-Covid nga AstraZeneca në fund të janarit, e ndjekur nga 800,000 të tjera në fund të shkurtit, 1,500,000 në fund të marsit dhe 2,200,000 doza në muajin prill.
