KED mblidhet sot për të vijuar vlerësimin lidhur me vakancën e shpallur nga Presidenti i Republikës për Gjykatën Kushtetuese.
Sipas njoftimit zyrtar, KED rendi i ditës së mbledhjes nis me spalljen e fillimit të procedurës së vlerësimit, pikëzimit dhe të renditjes së kandidatëve në vendin vakant në gjykatën Kushtetuese, vakancë e parakohshme, e shpallur nga Presidenti i Republikësnë datën 22.11.2019.
Kandidatja e lejuar në garën për vakancën në Kushtetuese është Sonila Bejtja, e cila sipas KED do t´i nënshtrohet intervistës. KED do të relatojë për procedurën e ndjekur për vlerësimin e kandidaturës së saj.
KED do të miratojë ndërprerjen e procedurës së vlerësimit, pikëzimit dhe të renditjes së kandidatëve në vendin vakant në gjykatën Kushtetuese për kandidatin e lejuar, Altin Binaj. Ky i fundit tashmë është zgjedhur si anëtar i Kushtetueses.
Bejtja plotëson vakancën e krijuar në Kushtetuese pas largimit të Besnik Muçit.
