“Unë e di që ka shumë njerëz nga klubi, nga Barcelona, tifozët, të cilët ende më duan, të cilët duan që unë të qëndroj në klub. Unë gjithashtu e di se ka njerëz të tjerë që, pas asaj që ndodhi, nuk më duan më, por do të bëj atë që është më e mira për klubin dhe për mua.
Atë që më thotë zemra dhe koka ime do të ndjek“, u shpreh Leo Messi rreth së ardhmes së tij. Kontrata i përfundon verën e ardhshme dhe tifozët katalanas shpresojnë që presidenti i ri që do të zgjidhet do e bindë “pleshtin” të qëndrojë në “Camp Nou”.
Në lidhje me këtë temë ka folur edhe Roland Koeman, trajneri i Barcelonës. “E lexova intervistën e Leo Messit, mendoj se është diçka e mirë që ai të shprehë mendimet e tij dhe njerëzit kanë nevojë të dinë se çfarë mendon. Kjo vlen edhe për futbollistët e tjerë.
Jam i qetë në lidhje me të ardhmen e Leos, e tha vetë që do të vendosë në fund të sezonit. Nuk mund të influencoj fare, ne kemi në dorë vetëm t’i marrim maksimumin në ndeshjet që do të luajmë“, deklaron Koeman.
