Dy persona humbën jetën si pasojë e një aksidenti të rëndë ka ndodhur mëngjesin e sotëm në aksin Levan-Qarr në Fier.
Viktimat po udhëtonin me një automjet tip “Toyota”, i cili doli nga rruga. Trupat e viktimave qëndruan për disa minuta brenda mjetit, deri në mbërritjen e zjarrfikësve të cilët bënë të mundur nxjerrjen e tyre.
Personat që kanë humbur jetën nuk janë identifikuar ende, ndërsa ajo që dihet derimë tani është fakti se viktimat janë një mashkull dhe një femër, ndërsa nuk dihet ende nëse kanë lidhje familjare mes tyre.
Njoftimi i Policisë:
Sot rreth orës 07:20, në vendin e quajtur “Kthesa e Qarrit”, automjeti tip “Toyota” ka rënë në kanalin me ujë anës rrugës. Si pasojë kanë ndërruar jetë dy shtetas (një mashkull dhe një femër) ende të paidentifikuar.
Shërbimet e Policisë, shërbimet zjarrfikëse dhe urgjenca mjekësore ndodhen në vendngjarje dhe po punojnë për nxjerjen e automjetit nga uji. Po kontrollohet vendi i ngjarjes nëse ka pasur persona të tjerë në automjet.
