Një emigrant i paligjshëm, i cili pretendoi se ishte “një kopshtar” është burgosur pasi u bë përgjegjës për kultivimin e më shumë se 100 bimëve kanabis.
Preng Prenga u kap nga policia duke ikur nga një pronë në Blackburn, kur u zbulua një fermë e madhe kanabisi me një vlerë rruge prej 44,800 paund.
Në Gjykatë u tha se ishin banorët ata që lajmëruan policinë. Oficerët kontrolluan më 5 tetor dhe gjetën një sistem të sofistikuar të përhapur në të gjithë shtëpinë, me bimë që rriteshin në dhomën e ndenjes dhe tre dhoma gjumi në katin e sipërm.
Në dëshminë e tij, i pandehuri tha se nuk e dinte kush e kishte shtëpinë ose kush ishte përgjegjës për kanabisin.
50-vjeçari shqiptar kishte mbërritur në Mbretërinë e Bashkuar me një kamion pesë vjet më parë dhe sipas avokatit të tij të mbrojtjes, Abiud Kaihiva, është me karakter të mirë të mëparshëm dhe ishte gjendur në këtë situatë për shkak të Covid.
Prenga u dënua me dy vjet burg.
