Një 45-vjeçar shqiptar është rikthyer në një burg të Italisë, pasi nuk kishte ku të rrinte pas masës së sigurisë “arrest shtëpiak” që gjykata kishte vendosur për të deri në përfundim të hetimeve.
Ai doli nga burgu më 23 dhjetor, por u rikthye sërisht, pasi miku apo shoku që duhej ta priste atë nuk u gjet askund.
Mediat italiane shkruajnë se bëhet fjalë për 45-vjeçarin me kombësi shqiptare, i identifikuar si Ermal Cenaj.
Shqiptari do të vendosej në arrest shtëpiak, por duke qenë se nuk kishte një banesë ku të vendosej, ai u rikthye në burg, vendim i lëshuar nga Gjykata e Leçes.
