Sevilla dhe Milani kanë nisur garën për të firmosur me sulmuesin Florian Thauvin. Lojtari i Marseille mbetet një nga më të mirët në Francë, pavarësisht se nuk i arriti kurrë pritshmëritë, pasi mendohej se do të bëhej një nga më të mirët e botës.
27-vjeçari nuk ka rinovuar me ekipin francez dhe do të dalë si futbollist i lirë në verë. Spanjollët dhe italianët janë të joshuar nga një mundësi e tillë dhe duan të firmosin me futbollistin me eksperiencë.
Thauvin shpreson të bëjë një hap të madh në karrierë dhe është i joshur nga ideja e kalimit tek italianët duke qenë se kanë nevojë për sulmues.
