Rreth 200 familje në Bashkinë e Roskovecit, e cila drejtohet nga Kryebashkiakja Majlinda Bufi, ende nuk kanë marrë pagesën e invaliditetit për muajin dhjetor. Denoncimi është bërë në Boldnews.al nga një qytetar, i cili ka djalin invalid të grupit të parë.
Denoncuesi pretendon se ndonëse fondet janë xhiruar nga Thesari, ato nuk janë shpërndarë duke drejtuar akuzat ndaj Kryebashkiakes Bufi dhe Avni Cjapit, i cili duket se është një nga bashkëpunëtorët e afërt të kryetares së Bashkisë.
Referuar denoncimit, qytetari pranon se ka marrë pagesën e nëntorit, por nuk ka marrë pagesën e gushtit, çka ngre dyshime se po abuzohet me fondet e përcaktuara si ndihmë invaliditeti për familjet përfituese.
Në denoncim thuhet se Avniu merr çdo muaj 30 mln lekë, shumë kjo e barazvlefshme me fondin e invaliditetit, përfiton interesat bankare, ndërkohë që familjeve që iu takon ligjërisht kjo shumë, nuk e përfitojnë.
E gjithë kjo situatë ndodh në një kohë kur prej disa javësh qeveria bën show me shpërblimin prej 5 mijë lekësh që po i shpërndan pensionistëve me rastin e festave të fundvitit, ndërsa në Roskovec, 200 familje nuk kanë marrë pagesat e invaliditetit.
Kryebashkiakja Bufi duket se nuk shqetësohet për vështirësitë që këto familje përballen çdo ditë, dhe në vend që të lehtësojë sado pak problemet e tyre, ka zgjedhur t´i shtojë edhe një hall, atë të mospagesave. Dhe përgjegjësia në rastin konkret bie pikërisht mbi kryebashkiaken, përsa kohë fondet janë xhiruar nga Thesari, ndërsa Bufi zgjedh rrugën për të mos i shpërndarë.
Denoncimi te Boldnews.al
Jam nje prind nga Roskoveci qe kam djalin invalid ne grupin e pare. Halli im i madh eshte qe nuk kam marr pagesen e invaliditetit te djalit per muajin dhjetor. Si puna ime jane 200 familje ne gjithe Bashkine e Roskovecit.
Leket jane xhiruar nga thesari por ato i shperdoron Majlinda Bufi dhe hajduti i saj Avni Ceno Cjapi. Une kam marr Nentorin por skam marr akoma gushtin. Ku jane leket e gushtit. Avniu dhe Majlinda leket i perdorin per interesa personale dhe nuk ia shperndajne familjeve qe mbajne frymen gjalle me keto lek.
Avniu merr 30 milion lek cdo muaj nga leket e hallexhinjeve dhe i mbyll ne banke ne emrin e tij dhe merr perqindje kurse ne hallexhinjte presim ne pike te hallit.
Une dhe 200 familje me halle ne Roskovec nuk do te festojne per vit te ri se leket tona i ka marr Avni Cjapi. Te lutem publikoje kete hallin tone se askush nuk po na jep zgjidhje.
