Kryetari i Partisë Demokratike, Lulzim Basha, ka zhvilluar sot një bashkëbisedim me studentët e Fakultetit Ekonomik.
Pasi është njohur me problemet me të cilat përballen studentët në këto muaj që vendi po përballet me pandeminë dhe kur mungon ndihma e Qeverisë, Basha ka folur për oligarkët në Shqipëri.
Sipas tij, oligarkët janë ata që pushtetin e tyre ekonomik dhe politik e përdorin për vendime politike, ligje dhe kontrata.
“Oligarkë janë ata të cilët pushtetin e tyre ekonomik e përdorin për të diktuar vendime politike që nga ligjet, kontrata, leje, licenca dhe gjithçka tjetër. Ata që në bashkëpunim me një grusht qeveritarësh, pastaj vënë në kontroll të gjithë ekonominë, politikën dhe median e vendit.
Rruga për t’u marrë me ta është ligji ynë Anti-Mafia. Të gjithë ata që plotësojnë këto kushte do t’i nënshtrohen një hetimi të thelluar administrativ dhe do t’i përcillen pastaj për ndjekje strukturave të posaçme anti-korrupsion”, u shpreh Basha.
