Dy vëllezër ishin nisur për gjueti në fshatin Domianoi, Greqi, por njëri prej tyre ka qëlluar padashje tjetrin. Mediat greke raportojnë se i plagosuri ka ndërruar jetë mbrëmjen e sotme.
Mësohet se viktima është rreth 52-vjeç. Incidenti ndodhi pak para mesditës së ditës së sotme, teksa dy vëllezërit kishin dalë për të gjuajtur derra të egër në zonën e Fourna.
Mediat greke raportojne se plumbi 52-vjeçarin e ka kapur mbi sy dhe se ai kishte marrë dëmtime të shumta në pjesën e trurit. Kështu mjekët në Spitalin e Përgjithshëm të Karpenisi, ku ai u transportua, e intubuan atë dhe e dërguan për monitorim intensiv në ICU të Lamia.
Fatkeqësisht, para se të hynte në ICU, ai ndërroi jetë. Ky incident u regjistruan në ditën e parë kur qeveria greke njoftoi se lejohet gjuetia nga 25 dhjetori deri më 6 janar.
