Italia ka regjistruar 10407 raste pozitive me Covid-19 në 24 orët e fundit, nga 81285 tamponë të kryer. Sipas të dhënave nga Ministria e Shëndetësisë në Itali, po gjatë 24 orëve të fundit kanë humbur jetën 261 pacientë.
Ndërkohë janë raportuar edhe 6 raste të infektimeve me mutacionin e ri të zbuluar në Angli.
Të gjashtë personat ishin udhëtarë që ktheheshin nga Londra, të kontrolluar ditët e fundit në aeroportin Capodichino të Napolit, përpara pezullimit të fluturimeve nga Mbretëria e Bashkuar.
Shifrat e 24 orëve të fundit janë tejet pozitive, krahasuar me 19037 të infektuarit dhe 459 viktimat e një dite më parë.
