Ministria e Shëndetësisë raportoi sot se 9 persona humbën jetën si pasojë e Covid-19. Mes viktimave të 24 orëve të fundit ishte edhe një 38-vjeçar nga Tirana.
Mësohet se ai ndodhej në spitalin Covid-1, ose Infektiv, ndërsa ishte prekur nga Covid-19 prej disa ditësh. Raportohet se i riu nuk arriti të fitonte betejën me koronavirusin për shkak të komplikacioneve, ndërsa nuk dihet nëse ai vuante nga sëmundje të tjesa ose jo.
Ndërkohë, që qytetarët e tjerë që humbën jetën janë edhe 4 qytetarë nga Tirana, 1 nga Lezha, 1 nga Përmeti, 1 nga Berati dhe 1 nga Gjirokastra.
Aktualisht në 4 spitalet COVID, po trajtohen 324 pacientë, 33 në terapi intensive nga të cilët 9 pacientë janë të intubuar.
Tirana mbetet qarku me numrin më të lartë të jetëve të humbura nga Covid-19, por edhe rasteve aktive.
