UEFA ka publikuar së fundmi një renditje me klubet më të suksesshme në Ligën e Kampioneve, duke nisur nga viti 1955 deri në 2020.
Në baze të një përllogaritje me pikë, është bërë i mundur edhe klasifikimi i 500 klubeve më të suksesshme në Europë, për sa i përket Champions-it.
Tirana është ekipi i parë shqiptar në renditje. Bardheblutë kanë arritur të grumbullojnë 20 pikë, duke u renditur në vendin e 140. Kampionët në fuqi kanë arritur të lenë pas klube të suksesshme Europiane, si Atalanta, Lestër, etj.
Ndërkohë pas bardhebluve, renditet Skënderbeu. Klubi korçar rezulton me 15 pikë, teksa pozicionohet në vendin e 168.
Partizani është klubi i tretë shqiptar që plotëson podiumin. “Demat e Kuq” janë në pozitën e 194. Në këtë klasifikim të UEFA-s ka vend edhe për Vllazninë që pozicionohet në vendin e 276, Dinamon në vendin e 280, Kukësi në vendin e 298, Flamurtarit në vendin e 367 dhe Elbasani në vendin e 406.
