Kryeministri Edi Rama vijon show-n me procesin e rindërtimit të banesave të shkatërruara nga tërmeti i 26 nëntorit 2019. Për më shumë se 1 vit i gjithë procesi i rindërtimit po përdoret nga Rama si show, ndërkohë janë denoncuar disa qindra raste kur qytetarët janë lënë në mëshirën e fatit, në çadra apo kontenierë.
Dhe duket se në muajt e mbetur deri në zgjedhjet e 25 prillit, Rama do të shfrytëzojë në maksimuin e mundshëm këtë proces për fushatën zgjedhore, duke qenë se nuk ka asnjë bilanc pozitiv për qeverisjen e tij.
Këtë rradhë Rama ka shkuar në Laç, ku ka inauguruar kantierin e rindërtimit, ndërsa ka premtuar se ky projekt gjithashtu i jep fund përmbytejes së qytetit.
Rama u shpreh se pjesë e projektit do të jetë edhe transformimi i rrugës për në kishën e Shna Ndout pasi me ndërtimin e “qytetit” të ri turistët dhe vizitorët do të jenë më të tërhequr për të kaluar më shumë kohë. I gjithë ky projekt është marrë përsipër nga Turqia, ndërsa show të sotëm ia bashkua me një video-mesazh edhe Presidenti turk, Erdogan, i njohur për miqësinë me Kryeministrin Rama.
“Turqia ishte pjesë e rrjetit të vendeve mike që jo vetë u shprehën me fjalë por angazhuan menjëherë forca njerëzore dhe burime materiale për të qenë të pranishëm kur ende jetë njerëzore kërcënoheshin nga gërmadhat. Kam takuar nga afër ekipet e shpëtimit turk që shpëtuan jetë shqiptare. Më pas presidenti Erdogan më ka ftuar të jem i pranishëm më vendin mik në një event të madh
Ky është një projekt që vjen si shprehje respekti për territorin dhe vjen me elementë tradicionalë të përkthyer në arkitekturë bashkëkohore.
Më vjen mirë që ndërtimi i kësaj lagje të re do sjellë me vete edhe garanci për të mos përmbytur më asnjëherë këtë qytet. Më vjen mirë të them këtu sot se ne kemi vijuar punën për rrjetin e shkollave që do të rilindin nga fillimi pasi shkollat e vjetra nuk ekzkitsojnë më. Ka përfunduar shkolla e Gjormit dhe janë në proces nisje edhe 9 objekte të tjera”, tha Rama.
Ndërkohë në mesazhin nga Presidenti turk Erdogan thuhet se Shqipëria është miku dhe partneri i afërt i Turqisë në Ballkan.
“Pas tërmeteve që ndodhën në Shqipëri i mobilizuam menjëherë mundësitë tona. Ne kemi dërguar 4 maune me ndihma humanitare, po ashtu pas katastrofës në nëntor morëm vendim për të ndërtuar shtëpi për vëllezërit shqiptarë.
Në korrik nënshkruam memorandumin dhe sot po hedhim themelet për këto banesa për vëllezërit tanë. Projekti përfshin 522 banesa dhe do të kushtojë 42 milionë euro. Shtëpitë do të shërbejnë si miqësi e re mes Shqipërisë dhe Turqisë. Shpresoj që fazën e parë ta përfundojmë sa më shpejt dhe t’ua dorëzojmë vëllezërve tanë shqiptarë”, tha Erdogan.
