Është rikthye sërish frika dhe terrori në qytetin e Shkodrës, pasi pak minuta më parë ëhstë qëlluar sërish me armë zjarri në drejtim të një lokali.
Ngjarja është regjistruar pak minuta më parë në zonën e Pompave në afërsi të rrethrotullimit të ‘5 Heronjve’.
Burimet bëjnë me dije se është qëlluar ndaj lokalit në pronësi të efektivit forcave ‘Shqiponja’ Alfred Pjetri.
Njoftimi:
Më datë 22.12.2020, rreth orës 21:10, në vendin e quajtur rruga e Pompave të Ujit, fshati Dobraç, Shkodër, në rrethana ende të paqarta qëlluar me armë zjarri në drejtim të lokalit në pronësi të shtetasit A. P.
Nga verifikimet paraprake të bëra nga shërbimet e Policisë, nuk ka persona të dëmtuar.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes
Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP dhe të FNSH Shkodër
