Sekretari i Përgjithshëm i LSI-së, Endrit Braimllari, tha sot se të vetmit që i intereson kaosi dhe destabiliteti është Kryeministri Edi Rama.
Braimllari theksoi se Kryeministri është ai që ka nevojë për destabilitet, për t’ju ikur halleve të qytetarëve.
“Shqipëria ka vite që me këtë qeveri ndodhet në protesta, si tek Astiri, tek Teatri dhe shumë të tjera. Kjo situatë e kaosit në vend i intereson vetëm Ramën. Edi Rama ka nevojë për destabilitet, që t’ju ikë halleve të qytetarëve.
Ne jemi fokusuar tek bujqësia dhe tek turizmi, ku do hartojmë politika për të stimuluar vende të reja pune. Nëse hiqet akciza e naftës, do shtohen vende pune në bujqësi. Duhet vetëm vullnet politik i mirë për të rregulluar gjërat në Shqipëri. Sot beteja nuk është për emra, por sot kjo betejë është për vendin”, tha Braimllari në studion e News 24.
Endrit Braimllari theksoi se çmimet e karburantëve në Shqipëri janë shumë ta lartë, duke thënë se ky problem duhet zgjidhur.
“Çmimet e karurantit në vend është shumë i lartë. Me karburantin lidhet pastaj çmimi i taksive, autobusi, por edhe për karburantin që përdoret në bujqësi etj. Tregu i karburantëve është përqendruar në duart e pak njerëzve. Nisja e një hetimi është diçka e mirë dhe uroj të dalë me konkluzicion dhe uroj që të dilet në përfundimin se duhet të ulet çmimi i karburantit në vend. Taksa është mbi normën normale të karburantin, sepse kjo rëndon tek xhepat e qytetarëve. Shteti duhet që të kontrollojë çmimet e tregjeve”, u shpreh Braimllari.
