Kuvendi pritet të zgjedhë brenda javës drejtuesin e ri të ILDKPI-së, pasi mandati i Shkëlqim Ganajt ka përfunduar.
Gjatë ditës së sotme në Komisionin e Ligjeve, u dëgjuan 5 kandidatët që kishin paraqitur dosjet e tyre, dhe iu kaluan për votim Kuvendit vetëm dy prej tyre.
Mësohet se dy emrat që u përzgjodhën janë dy zonja, Evgjeni Bashari dhe Helena Papa.
Ndërkohë nga gara është tërhequr Eridjan Salianji, i cili deri pak kohë më parë ishte përfaqësuesi ligjor i PS-së në Komisionin Qendror të Zgjedheve.
Salianji ka mbajtur dhe postin e zëvendësministrit të Drejtësisë.
Pas dëgjesave, Komisioni skualifikoi Lefterie Lleshin, Evis Ficon dhe Dhimitrulla Spiron.
Emri që do të marrë drejtimin e ILDKPI do të vendoset të mërkurën, ndërsa kreu aktual Shkëlqim Ganaj nuk pranoi që të rikandidonte.
